أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة س.وج، . كما يشرفنا أن تقوم بالتسجيل إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة س.وج، . كما يشرفنا أن تقوم بالتسجيل إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
موضوع: حياتي في افغانستان 1 السبت نوفمبر 10, 2012 2:39 pm
كانت الساعة تشير الى 11.00 صباحا تلقيت اتصالا من مجهول يقول لي اسمع نتا اليوم هو اخر ايامك في هذه الدنيا , سالته لماذا فقال لي : لقد كحلت لابنتي و هي متسترة في حجابها لقد راك القوم تغمز لها سون سمير , فقلت له يا السيد راك غالط انا جيت نجوز فاكونص نتا راك تتهم فيا , قالي انا راني قلتلك عس روجك . فاقفل علي الهاتف خلاني حاير منين جاني هدا لبلا . عيطت لصاحبي يسكن قدام الفندق لي مقيم فيه انا كي جا حكيتلوا واش صرا قالي ياو توالف , قلتلوا علاش راك تخلع فيا ’ قالي هذا شعب موسوس يشوفك خزرت سون فاغ اتونسيون يحسبها غمزة و لا دراGيتلو بنتوا و لا مرتوا اععع 15 يوم مخرجتش باش مانجيبش لبلا ,كي خلاصوا ال 15 يوم خرجت باش نشري باش ناكل كنت نمشي و مهبط راسي زدمت في مدامة مليحة يبانو غير عينيها لاطاي فين قالتلي شوف قدامك يا واحد لعما انا مارجعتلهاش سي نو يهجموا عليا . لحقت للحانوت لقيت بازوكا في الدخلة تاع الحانوت و مول الحانوت رافد كلاش قلتلوا السلام عليكم قالي ةاش تسحق يا الزح قلتلوا ارا 6 بواط سباغيتي و 2 تون و 3 خبزات باعلي كي جيت مولي شفت واحد يتبع فيا و يخزر فيا خزرة مقودة لحقت لواحد الفيراج و تخبيت هو كمل ماشافنيش لحقت للدار و كنت ميت بالخلعة « تكسلت شوية عاود جاني تيليفون النيميرو تاع مقبيل مع الاول ماحبيتش نرفد مي قلت هي مقودة مقودة نرفد و خلاص غير رفدت قالي : .........
موضوع: حياتي في افغانستان 1 
السبت نوفمبر 10, 2012 2:39 pm