أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة س.وج، . كما يشرفنا أن تقوم بالتسجيل إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة س.وج، . كما يشرفنا أن تقوم بالتسجيل إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
موضوع: الغراب حب يقلد مشيت الحمامة ؟؟؟؟؟؟؟ الثلاثاء فبراير 23, 2010 3:38 pm
السلام عليكم ورحمة الله والله شفت في بعض المواضيع صراع بين الطالب والأستاذ ...الأستاذيقول أنت العلة (للطالب ) والطالب يقول أنت العلل(للأستاذ ) وهكذا الأستاذ حلاتلو (أرجع سلاحو الاضراب والدروس الخصوصية وماخسر والو بالعكس رجعت ليه بفايدة "الفلوس")والطالب تحشاتلو (راح عليه العام وبقى يجري وراء الأوهام )للأسف لازم نكونو واقعيين ونعرفو أنو المشكل شارك فيه المجتمع الكل من أكبر مؤسسة تعليمية لأصغر طالب علم ......... .......
يسيدي قالك حكومتنا شافت تطور مذهل عند الغرب وطبعا حبو يدرسو أسباب التطور ...صح التعليم هو الركيزة الأولى لي لازم نهتمو بيها لكن نساو الرغبة يعني أسكووو الطالب راهو حاب يقرا وينجح ؟؟؟؟.... للأسف لما طفل يدرس في الأبتدائي وفي طريقو لليكول يمر بمقهى الله يبارك الشباب طول قاعد فيها وحكاياتهم كامل غير وعلاش قريت أنا ؟؟؟؟؟ راح يتشوكا هذ الطفل وراسو يحبس وهو مزال معمروش بالعلم
نرجعو شويا لوزارتنا الله يبارك الغراب حب يقلد مشيت الحمامة ماعرافش وتلف مشيتو ....الله غالب الغرب متطور لازم حنا تاني نتطورو أو نتورطو نبداو بقانون لا للعنف ضد الطالب ....أولياء التلاميذ ربي يصلحهم قالك الطفل ولدي وغير أنا لي نضربو كيفاش أستاذ يضربو لازم نكونو متطورين كيما الغرب بطبيعة الحال وزرتنا العزيزة حققت رغبت الأولياء وخرجت قانون حماية الطالب من الاستاذ ....في الواقع لست ضد هذا القانون (كان لازم يكون عندو حدود ... المثل يقول " رخي الحبل ومتطلقوش "لكن في نظر مجتمعنا أرجع الأستاذ ارهابي !!!!!!!!! ورجع بعض الطلاب متمردين يدخلو وقت لي حبو ويديرو واش يحبو وأي كلمة من الأستاذ يقولو عندي قانون يحميني وللأسف الأستاذ ماعندوش قانون يحميه المهم لازم يكون مأسيريييييي على حياتو وقعت خلوطا كبيرة في التعليم وكترو القوانين وكيما سماوها اصلاحات وخسرو عليها ملاييين الدولارات لكنها صلحت معها جميع الطلاب لي بقاو حايرين في المواد وأسكو يقراو غدا ولا كاين اضراب وللأسف وزارتنا تولهة أخيرا أنو البرنامج مانجحش !!!! فقررت العودة الى الأصل فضيلة لكن يبقى السؤال مطروح ؟؟؟ راح يقدرو يرجعو للخلف ....وماننساوش ان التعليم عبارة عن سلسلة من الديمينو واذا سقطة حبة راح كلشي يريب ايه واش نقول انشالله برك مايتلفوش مشيتهم SiLekToO oO
موضوع: الغراب حب يقلد مشيت الحمامة ؟؟؟؟؟؟؟ 
الثلاثاء فبراير 23, 2010 3:38 pm
